Presidenti i Serbisë, Aleksandër Vuçiq, ka zhvilluar një takim me Shefen për Politikë të Jashtme të BE-së, Federica Mogherini si dhe presidentin e Kosovës, Hashim Thaçi.
Siç raportojnë mediat serbe, Vuçiq para Mogherinit, ka thënë se shteti i tij është i gatshëm për dialog, kur fjala është për Kosovën, por që sipas tij fillimisht duhet të formohet Asociacioni.
“Por parakusht për këtë është implementimi i marrëveshjeve të nënshkruara në Bruksel dhe formimi I Asociacionit të Komunave me Shumicë Serbe”.
“Kur vjen puna te dialogu, ju mund ta organizoni kur të doni, por që së pari që formohet ASK-ja dhe tjetra është kushti që pala tjetër është gati të bëjë kompromis”, ka deklaruar ai.
