Kërkesa e pensionistëve serbë për dialogun Kosovë-Serbi

01.11.2017 15:14
Kërkesa e pensionistëve serbë për dialogun Kosovë-Serbi

Partia e pensionistëve të Bashkuar (PUPS) ka propozuar që Spanja të përfshihet në kuadër të ekipit të ndërmjetësve të BE’së në dialogun mes Beogradit dhe Prishtinës në Bruksel.

Në një deklaratë të lëshuar të mërkurën nga “Beta”, partia, e cila merr pjesë në koalicionin e qeverisë serbe, i propozojë udhëheqjes së shtetit të shtrijë “të njëjtën ftesë diplomatike dhe miqësore” për anëtarët e tjerë të BE’së që nuk e njohin Kosovën si të pavarur, si Rumaninë, Qipron dhe Greqin.

“Serbia duhet të përdorë të gjitha rrethanat ndërkombëtare që aktualisht janë në favor të saj dhe në veçanti qëndrimi i vendosur i BE’së për të mos njohur pavarësinë e Katalonjës, sepse ajo nuk është në përputhje me Kushtetutën e Mbretërisë së Spanjës. Spanja ka paralajmëruar, prona e shenjtë e saj nuk do të preket”, deklaruan zyrtarët e partisë së pensionistëve.

PUPS gjithashtu mendon se ky është momenti ideal për negociuesit e Beogradit që të paraqesin raundin e ardhshëm të dialogut mbi Kosovën në Bruksel “pikërisht çështja e mbrojtjes së pronës së shtetit të Serbisë, qytetarëve të Serbisë dhe Kishës Ortodokse Serbe në Kosovë.”

Sipas librave kadastralë që nga viti 1999, nga 1,090,410 hektarë tokë në Kosovë, prona sociale, private dhe kisha arrin në 641,071 hektarë ose 58.79 për qind dhe vlera e saj vlerësohet në 220 miliardë euro, u deklaruan ata, raporton “b92”, transmeton Periskopi.

PUPS shtoi se shqiptarët etnikë kanë uzurpuar rreth 80 përqind të kësaj prone – ” për shembull, në vetëm katër komuna (Pejë, Klinë, Istok dhe Rahovec) ata kanë zënë në mënyrë të paligjshme 76,000 parcela toke të pronës private të serbëve”.

“Pika e veçantë në këto bisedime në Bruksel duhet të jetë me siguri fitimi i humbur i kompanive serbe për shkak të pamundësisë për të përdorur kapacitetet e tyre në Kosovë, kështu që vetëm EPS (kompania e energjisë elektrike e Serbisë) do të humbë 170 milion euro në të ardhura çdo vit, të cilat gjatë 17 viteve të mëparshme kanë ardhur deri në 2.9 miliardë euro në të ardhura të humbura”, tha PUPS.