Kërcënohet me jetë autori i dokumentarit “Rrëfime për Kosovën”

01.03.2017 19:46
Kërcënohet me jetë autori i dokumentarit “Rrëfime për Kosovën”

Është kërcënuar me jetë autori i dokumentarit “Rrëfime për Kosovën” Fatmir Lama, pas transmetimit të episodit të parë të ciklit të dytë, të quajtur “Dhuna shtetërore”, ku shpalosen fakte dhe dokumente për bashkëpunëtorët e atëhershëm të Serbisë, raporton KTV .

Por, telefonata kërcënuese të cilën Lama e mori nga biri i Bislim Vatovcit, njërit nga të përmendurit në dokumentar, përfundoi në polici.

E, më tronditëse pritet të jenë episodet e tjera të dokumentarit “Rrëfime për Kosovën”, për të cilat autori thotë se opinioni duhet të njihet me historinë e vërtetë të asaj kohe. I biri i Bislim Vatovcit, në asnjë rast nuk e mohon vërtetësinë rreth të atit, por vetëm kërcënon pse është hulumtuar arkivi.

Policia tashmë ka konfirmuar se është duke kryer hetimet në këtë rast të kanosjes.