Deputeti i Lidhjes Demokratike të Kosovës, Ramiz Kelmendi, ka akuzuar ish-deputetin Ukë Rugova, se ka falsifikuar vulat e kompanisë së tij, Elkos, me qëllim që t’ia lehtësonte njerëzve marrjen e vizave Shengen.
Në një intervistë për Radio Dukagjinin, Kelmendi thotë se për një gjë të tillë është i njoftuar edhe EULEX-i.
“Uka ka bërë veprime antiligjore duke përdorur edhe dokumentacionin e kompanisë sime si të besueshme për marrjen e vizave në Ambasadën italiane”, ka thënë ai.
Tutje, Kelmendi thotë se njerëzit që kanë paguar për këto viza janë paraqitur si punëtorë të Elkosit, gjoja po bëjnë udhëtime zyrtare.
“Elkos-in e ka përdorur, të gjitha vulat e falsifikuara, nënshkrimet, emërimet dhe vendimet e ndryshme të departamentit juridik i ka nënshkruar Ukë Rugova, dhe i ka prezantuar në Ambasadë. Dhe i ka prezantuar si punëtorë të ELKOS-it dhe ata kanë marrë viza në emër të ELKOS-it duke shkuar në vizita zyrtare”, ka sqaruar Kelmendi.
për më tepër, sipas tij, një veprim i Rugovës e ka dëmtuar kompaninë e tij, pasi që punëotërve të vërtetë u është refuzuar viza më pastaj.
“Vula mund të shtypën gjithkund jashtë Kosovës me 20 euro, e kopjon dhe atë e përdorë sa herë duash. Emrat e punëtorëve zyrtarë të ELKOS-it që iu është nevojitur me udhëtua jashtë vendit iu është refuzuar kërkesa për vizë pikërisht për shkak të mashtrimit të Ukës”, ka treguar ai./Insajderi.com