Ribashkimi i Titanik-ut...

17.08.2017 15:15

Karota ia risjellë unazën pas 13 vjetësh

17.08.2017 13:35
Karota ia risjellë unazën pas 13 vjetësh

Mary Grams po punonte në kopshtin e shtëpisë së saj në Alberta të Kanadasë në vitin 2004, kur humbi unazën që kishte marrë përpara gjysmë shekulli bashkë me propozimin për martesë.

Asokohe, Gramsit, sot 84-vjeçare, as që i shkonte ndërmend se pas 13 vjetësh unaza do të gjendej sërish në të njëjtën fushë, rreth një karote. Pavarësisht kohës, unaza është në kushte perfekte dhe Mary ka mundur ta vendosë në gisht sërish për të mos e hequr më.

“Kërkuam pafund atëherë, por nuk e gjetëm dot. E mendova të humbur. Kujt ia priste mendja se do të shfaqej sërish. Dhe më bën akoma”, thotë gruaja e moshuar.

Unazën e gjeti nusja e të birit, Colleen Daley. “E dija që duhet të ishte e vjehrrës ose e gjyshes së tim shoqi sepse asnjë grua tjetër nuk kishte jetuar në atë fermë”, rrëfen ajo.

“Atëherë pyeta bashkëshortin nëse e njihte dhe ai sapo e pa, tha: po, është e mamasë, është unaza e fejesës që e humbi në kopsht dhe që prej atëherë, nuk e pa më me sy”, tregon Colleen.

Për të mos e mërzitur, Mary nuk ia kishte treguar të shoqit humbjen e unazës me diamant që e kishte mbajtur për 50 vjet dhe në vend të saj kishte blerë një tjetër më të vogël, ndërsa të vërtetën e dinte vetëm djali i saj./Top Channel/