Në Stamboll prej datës 19 Janar deri më 11 Shkurt do të mbahet Edicioni i parë i Festivalit Ndërkombëtar të Fotografisë, ZFotoFest.
Në këtë edicion do të prezantohen 54 projekte në formë ekspozite duke përfshirë edhe punime të emrave të njohur botëror si fotografët e National Geographic Ami Vitale e Mathew Paley si dhe emra të tjerë si Abelardo Morell, Corey Arnold e Kamil Firat…
Samir Karahoda do të prezantohet me projektin Centenarian i cili paraqet portretet e grave 100-vjeçare të Kosovëss, projekt i cili edhe u ekspozua në Prishtinë në Galerinë e Ministrisë së Kulturës.
Po ashtu në festival do të ketë një numër të madh aktivitetesh si uorkshope, debate, biseda, prezantime të portfoliove të fotografëve të rinj ku po ashtu edhe autori Samir Karahoda të dielën me 21 Janar do të mbaj një Artist talk për të folur për punën dhe eksperiencën e tij si fotograf.
Hapja zyrtare e festivalit dhe ekspozitës do të bëhet të Premten me 19 janar prej orës 19.30 në qendrën kulturore në rajonin e Zeytinburnu të Stambollit.
Të ju kujtojmë, projekti “Centenarian”, paraqet Historinë e nënave Kosovare të cilat kanë arritur të jetojnë mbi një shekull ku përmes portreteve të tyre paraqitet karakeri i tyre i fortë dhe historia përmes rrudhave në fytyrë.
