Kandidati për president të Serbisë: Kosova është e pavarur, e kemi humbur luftën

11.03.2017 19:48
Kandidati për president të Serbisë: Kosova është e pavarur, e kemi humbur luftën

Lideri i LSV, Nenad Çanak që ka paraqitur kandidaturën e tij për president të Serbisë, Nenad Çanak ka thënë se shteti i tij duhet ta pranojë “të vërtetën famëkeqe” se Kosova është shtet i pavarur.

“Duke mbrojtur punën dhe arritjet e Sllobodan Millosheviq, ne nuk jemi të gatshëm që ta pranojmë të vërtetën”, ka thënë edhe një herë ai, pasi kështu diçka kishte deklaruar edhe një javë më parë, shkruan B92, transmeton Klan Kosova.

“Po, Kosova është e pavarur nga Serbia, edhe luftën e humbëm, atë luftë së cilës i prit Millosheviq”.

Ai ka thënë se duhet pranuar se me Kosovën kanë kufi dhe se kalimi i tij duhet të bëhet me pasaportë.

“Nuk e kam aspak problem ta them se Kosova është e pavarur, sepse nuk jam i interesuar që politikën ta bazoj në gënjeshtër, çka popullistët e bëjnë para qytetarëve”, ka thënë Çanak.