Juventus shet dy sulmues për të siguruar paratë për Sanchezin

01.03.2017 12:25
Juventus shet dy sulmues për të siguruar paratë për Sanchezin

Juventusi kërkon t’i shes përfundimisht Simone Zazan dhe Kingsley Comanin që të bëjë para për ta blerë Alexis Sanchezin.

Coman aktualisht është si huazim te Bayern Munich për 8 milionë euro, ndërsa nëse gjermanët duan ta blejnë, duhet të paguajnë edhe 20 milionë euro tjera.

Çmimi i njëjtë është edhe për Zazan që është huazuar te Valencia.

Juve do të siguronte 40 milionë euro për lojtarin e preferuar me shitjen e këtyre dy lojtarëve.

Sipas Tuttosport, Zonja e Vjetër është duke tentuar që t’i shes sa më shpejtë për të siguruara para për Sanchezin që mbetet prioriteti numër një i klubit.

Sanchez aktualisht është një prej top shënuesve të Ligës Premier së bashku me Harry Kane e Romelu Lukaku që kanë nga 17 gola.

Lojtarit kontrata i skadon në qershor të vitit 2018 dhe Arsenali ose duhet të rinovojë me të ose ta lëshoj si të lirë pas një viti.

Të interesuar për shërbimet e kilianit janë edhe Atletico Madrid, Sevilla e Inter./Insajderi.com