Javën tjetër nxehet moti

22.01.2016 14:45
Javën tjetër nxehet moti

Temperaturat e ulëta që kanë mbretëruar në Kosovë gjatë kësaj jave nuk do të vazhdojnë edhe javën që vjen.

Kështu së paku parasheh Instituti Hidrometeorologjik i Kosovës të dhënat e të cilit parashohin ngritje të temperaturave.

Mot më i nxehtë pritet të mbajë në të gjithë vendin nga java e ardhshme ku temperaturat do të fillojnë të ngritën nga -1o C deri në 0o C.

Besim Aliu nga Instituti Hidrometeorologjik i Kosovës tha për Insjaderi.com se temperaturat nga java e ardhshme në nivel vendi do të ngritën.

“Edhe nesër do të mbajë mot me temperatura të ulëta -16oC deri -18oC, kurse maksimalet do të jenë -3oC deri më -2oC”, tha Aliu për Insajderi.

Nga dita e hënë e tutje deri në përfundim të këtij muaji temperaturat minimale do të luhaten nga -9oC e deri më -6oC, ndërsa ato maksimale nga 4oC deri më 6oC”.

Sipas IHMK-së temperaturat ekstreme të ftohta vijnë si pasojë e masave të rrymave ajrit të ardhura nga pjesa veriore e kontinentit gjegjësisht të viseve polare.

Temperatura të ulëta janë shënuar edhe në vitin 2006, ku më e ulëta ka qenë -26oC .
Gjatë këtyre ditëve ka pasur shumë aksidente si pasojë e ngricave, akullit nëpër rrugët e qyteteve të Kosovës.