Për delegacionin e Kosovës, që po merr pjesë në Forumin e Bashkëpunimit Ekonomik ndërmjet Kosovës dhe Italisë në Romë, Ipeshkvia e Kosovës ka shtruar sonte darkë në Romë.
Njoftimin e ka bërë zëvendëskryeministri Ramiz Kelmendi, duke bërë të ditur se Ipeshkvia e Kosovës ka organizuar darkë të veçantë për qeveritarët e Kosovës pranë Vatikanit.
“Darkë e veçantë pranë Vatikanit. Kryeministri Mustafa, kolegë nga kabineti Qeveritar, Ipeshkvi i Kosovës dhe Ipeshkvi i Tivarit. Bisedë e gjerë për çështje me rëndësi për qytetarët e Kosovës. Darkë e organizuar nga Ipeshkvia e Kosovës në Romë. RK”, ka shkruar Kelmendi në llogarinë e tij në Facebook.
Në darkë ishte edhe ambasadorja e Kosovës në Itali, zonja Alma Lama.
