Kuvendi i Kosovës do të vazhdojë punimet sot me fillim prej orës 11:00 me katër pika të rendit të ditës.
Pika e parë e rendit të ditës do të jetë interpelanca e kryeministrit, Ramush Haradinaj në lidhje me ndarjen e mjeteve financiare në shumën prej një milion euro për KOSTT-in për mbulimin e shpenzimeve të furnizimit me energji elektrike për katër komunat në veri të Kosovës.
Gjithashtu në këtë seancë pritet të votohet rekomandimi pas debatit parlamentar në lidhje me kartoni e gjelbërt
Ky është rendi i ditës:
- Votimi i rekomandimeve nga Interpelanca me kryeministrin e Kosovës, z. Ramush Haradinaj në lidhje me vendimin e Qeverisë së Kosovës nr.02/34, të datës 05.03.2018, për ndarjen e mjeteve financiare në shumën prej një milion euro për KOSTT-in për mbulimin e shpenzimeve të furnizimit me energji elektrike të katër komunave në veri të Kosovës,
- Votimi i Propozim-rezolutës nga debati parlamentar në lidhje me zbatimin e Marrëveshjes ndërmjet Republikës së Kosovës dhe Republikës së Shqipërisë për unifikimin e pikave doganore ndërmjet tyre,
- Votimi i rekomandimeve nga debati parlamentar në lidhje me kartonin e gjelbër,
- Votimi i Propozim-rezolutës nga debati parlamentar në lidhje me gjendjen jo të mirë të rinisë kosovare.