Ministri në detyrë i Punëve të Jashtme, Enver Hoxhaj ka shprehur pikëllimin për vdekjen e ish-ministrit të Jashtëm të Austrisë, Alois Mock.
Në reagimin në Twitter, Hoxhaj ka shkruar se vdekja e Mock është humbje e madhe për diplomacinë botërore. Ai ka theksuar mbështetjen dhe miqësinë e madhe të Kosovës me tashmë të ndjerin Alois Mock.
Hoxhaj ka shprehur ngushëllime për familjen dhe miqtë e ish-ministrit Austriak.
“Humbje e madhe për diplomacinë: miku dhe mbështetësi i Kosovës, ish-ministri i Jashtëm i Austrisë, Alois Mock, ka vdekur. Ngushëllime familjes dhe miqve”, ka shkruar Hoxhaj në Twitter.
Big loss for diplomacy: a friend & supporter of #Kosovo, Alois Mock, #Austria's former MFA, passed away! Condolences to family and friends
— Enver Hoxhaj (@Enver_Hoxhaj) June 1, 2017