Kryeministri i Kosovës Ramush Haradinaj, në një konferencë të mbajtur sot para mediave, ka treguar se në takimin e MSA-së i cili u mbajt dje në Bruksel është biseduar për perspektivën evropiane të Kosovës, ku ka përmendur edhe çështjen e liberalizimit të vizave.
Kujtojmë se dje në këtë takim, Përfaqësuesja e Lartë e BE-së, Federica Mogherini ka lëshuar takimin e Këshillit të MSA-së e nervozuar, ndonëse raportohej për shkak se Haradinaj ka përmendur nevojën që SHBA-ja të përfshihet në dialogun Kosovë-Serbi.
Haradinaj sot tha se megjithëse Mogherini ka treguar një përkushtim shumë të madh për Kosovën, megjithatë Kosova ka humbur kohë në disa gjëra të rëndësishme për sa i përket perspektivës evropiane.
Ai tha se ka kërkuar që edhe roli i Amerikës të jetë i rëndësishëm dhe me rol kyç në dialogun Kosovë-Serbi.