Kryeministri Ramush Haradinaj, pas samitit në Sofje ka deklaruar se është çështje javësh që Kosova ta marrë lajmin për vlerësimin e përmbushjes së kritereve për liberalizimin e vizave.
Sipas tij, Samiti i Sofjes ka qenë rast i mirë për të treguar të arriturat e Kosovës përpara liderëve europianë.
“Është çështje javësh kur Kosova do të marr lajmin për vlerësimin e përmbushjes së kritereve për liberalizimin e vizave. Samiti i Sofjes ishte rast i mirë për t’i treguar të arriturat e Kosovës përpara liderëve europianë dhe Deklarata e Përbashkët është një dëshmi që Kosova e ka të sigurtë perspektivën euro-atlantike”, shkruan Haradinaj në Facebook.
Sipas tij, Kosova përfundimisht është palë në raport me BE dhe duhet avancuar këtë marrëdhënie.
