Parlamenti Evropian sot edhe zyrtarisht ka votuar pro liberalizimit të vizave për Kosovën. Ky vendim është miratuar me 420 vota pro, 186 kundër dhe 20 abstenime.
Deri në fund të vendimit final për heqjen e vizave për Kosovën, është edhe një hap dhe më i vështiri.
Pas votimit fillimisht konfirmohet mandati për fillimin e bisedimeve me vendet anëtare të BE-së në mënyrë që Kosovës t’i liberalizohen vizat, shkruan Insajderi.
Këto bisedime në emër të PE-së duhet t’i udhëheqë, Tanja Fajon.
Jozyrarisht mësohet se takimi i parë i këtij grupi punues do të mbahet më 17 shtator.
Hapi final do të jetë votimi i ministrave të Brendshëm të vendeve të BE-së. Ata do të vendosin përmes votimit me një shumicë të kualifikuar..
Votimi i ministrave mund të bëhet në muajin e ardhshëm, duke synuar që procesi të përmbyllet para zgjedhjeve të Parlamentit Evropian.
Nga njohësit e integrimeve evropiane edhe më herët është velrësuar se Kosova duhet të punojë edhe te vendet aleate, si Holanda apo Franca.
Kjo pasi shumë shtete kanë dilema për të votuar pro liberalizimit të vizave, nga frika e fluksit të refugjatësve. /Insajderi.com
