Pas takimit me kabinetin e qeverisë Rama, komisioneri Hahn, bashkë me kryeministrin dolën në një konferencë të përbashkët për shtyp, ku edhe iu përgjigjën pyetjeve të ardhura nga gazetarët.
Një nga çështjet që ka shkaktuar më shumë debat në Shqipëri ka qenë nëse vendit tonë iu dha miratimin për hapjen e negociatave vitin e ardhshëm, apo duhet të plotësojë kushte të tjera.
Komisioneri Hahn theksoi se nuk do të ketë kushte të tjera, por kërkoi që të avancimi me zbatimin e reformave të mos ndalet aspak, madje të shtohet edhe më shumë ritmi.
“Nuk flitet për kushte të reja, por për një periudhë analitike, ku do të shikohet legjislasioni i vendit dhe sa përputhet ai me legjislacionin e BE-së. Ky proces është aplikuar në të gjitha vendet kandidate dhe dod të vijojë të aplikohet edhe në të ardhmen. E vetmja gjë që unë dua t’ju kërkoj, është të mos bëni aspak pushim, por të vijoni me ritme të larta, zbatimin e reformave të ndërmarra”, deklaroi Hahn.
