Greqi, kapet 1 ton kanabis në ishullin Kythira

11.08.2017 15:53
Greqi, kapet 1 ton kanabis në ishullin Kythira

Një sasi prej më shumë se 1 ton kanabis është sekuestruar në orët e fundit nga roja bregdetare greke.

Konfiskimi është bërë në një gomone në hapësirën detare në afërsi të ishullit Kythira, në jug të gadishullit të Peloponezit.

Autoritetet lokale njoftojnë se një shtetas shqiptar është arrestuar lidhur me lëndën narkotike, e cila dyshohet se kishte si destinacion Athinën, njofton Top-channel.

Gjithësesi, operacioni është ende në vijim dhe detaje të tjera pritet të publikohen më vonë./Insajderi.com