Gjyqtari i Vala Superligës së Kosovës, Genc Nuza i ka kaluar me sukses testet fizike dhe teorike që bëhen për gjyqtarët e FIFA-s.
Testet janë mbajtur në Nyon të Zvicrës nga data 20-25 mars, nën përkujdesjen e David Elleray dhe Kyros Vasarasa.
Nuza, po ashtu do të jetë gjyqtari i parë kosovar që do të ndajë drejtësinë në një ndeshje nën ombrellën e FIFA-s, pasi së bashku me asistentët e tij Fatlum Berisha e Bujar Selimaj do ta drejtojnë miqësoren Turqi – Moldavi, që zhvillohet më 27 mars.
