Enver (Liman) Kelmendi nga Malisheva që ishte zhdukur që nga mëngjesi i së dielës është gjetur i vdekur të hënën rreth orës 18:30.
Lajmin për gjetjen e turpit të pajetë të Enver Kelmendit e ka konfirmuar për Klan Kosovën një familjar i të ndjerit (dhëndri i tij), përcjell Insajderi.
Trupi i pajetë i Kelmendit është gjetur në bagazhin e veturës së tij në fshatin Carravrav, ka treguar familjari i viktimës.
Kelmendi për herë të fundit i gjallë ishte parë në qytetin e Malishevës dhe më pas nuk kishte pasur kontakt nga ai.
Ende nuk dihen rrethanat e vdekjes së Kelmendit.
Sipas policisë së Malishevës, viktima nuk ka pasur të kaluar kriminale dhe njihej si personi i qetë nga të gjithë dhe se nuk ka asnjë telashe me askënd.
Makina e viktimës është Golf katër, ngjyrë e hirit.
Pas gjetjes së trupit, policia ende nuk ka qenë e qasshme për të treguar nëse janë në ndjekje të dikujt, apo kanë të dyshuar për këtë rast.