Gjendet traktori i vjedhur gjatë luftës, arrestohet i dyshuari i nacionalitetit serb

02.03.2017 15:02
Gjendet traktori i vjedhur gjatë luftës, arrestohet i dyshuari i nacionalitetit serb

Sh.A nga fshati Suhogellë i komunës së Istogut, i është gjetur traktori i vjedhur para 18 vjetësh.

Policia e Kosovës ka njoftuar se traktori ishte vjedh gjatë vitit 199, ndërkaq viktima e kishte raportuar vjedhjen vitin e kaluar.

Ndërkohë policia e ka gjetur dhe konfiskuar traktorin e llojit IMT 540, në qytetin e Zubin Potokut ka arrestuar edhe të dyshuarin për vjedhje Dj.M. shtetas kosovar serb.

“Ndaj Dj.M. shtetas kosovar serb i lindur në vitin 1960, është parashtruar kallëzim penal për vepër penale të Vjedhjës së rend. Traktori është konfiskuar, pas verifikimit të numrave të shasisë ju është kthyer pronarit”, thuhet në njoftimin e policisë. /Insajderi.com