Gjendet një trup i pajetë në brigjet e Shkumbinit

25.03.2017 17:46
Gjendet një trup i pajetë në brigjet e Shkumbinit

Një trup i pajetë është gjetur pasditen e së shtunës në brigjet e lumit Shkumbin, në fshatin Çërmet të Rrogozhinës.

Lajmin e bëjnë të ditur burime policore lokale, sipas të cilave kufoma është e seksit femër dhe nga mbikëqyrja paraprake dyshohet të jetë e moshës 16-17 vjeç.

Burimet shtojnë se agjentë të policisë kanë nisur hetimet për identifikimin e së ndjerës, me qëllim zbardhjen e rrethanave të vdekjes së saj, njofton Top-channel.

Ky është rasti i dytë brenda pak ditësh që një trup i pajetë gjendet në ujërat e vendit. Një ditë më parë trupi i pajetë i një personi u gjet nga policia e Vlorës pranë ishullit të Sazanit, i cili dyshohet të ketë qenë një skafist i një gomoneje me drogë.