Kompania e prodhimit të automjeteve Ford do të tërheqë më shumë se 440 mijë automjete në Amerikën e Veriut, për të zgjidhur problemin që mund të shkaktojë zjarr dhe të rezultojë me hapjen e papritur të kapakut të motorit.
Nga kompania thonë se motori mund të nxehet, gjë që mund të shkaktojë çarje në kokën e cilindrit dhe rrjedhje të vajit, e cila mund të marrë zjarr
Tërheqja e parë përfshin mbi 230 mijë automjete, përfshirë modelet Escape, Fiesta ST dhe Fusion tranzit me motor 1.6 turbo të prodhuar në periudhën nga viti 2013 deri në vitin 2015.
