Fjalimi i Angelina Jolie për abuzimin seksual në Hollivud

16.11.2017 19:39
Fjalimi i Angelina Jolie për abuzimin seksual në Hollivud

Angelina Jolie mbrëmë përmes fjalimit të saj ka bërë një thirrje të fuqishme dhe gjithëpërfshirëse për të luftuar dhunën seksuale në mbarë botën, shkruan The Independent, përcjellë KultPlus.

“Dhuna seksuale është kudo – në industrinë ku unë punoj, në biznes, në universitete, në politikë, në ushtri dhe në mbarë botën”, tha ajo mbrëmë gjatë fjalimit të saj kryesor në Konferencën Ministrore për Paqe në Vancouver.

Aktorja Angelina Jolie, është një nga shumë gratë që akuzoi Harvey Ëeinstein për ngacmim seksual. Ajo kishte pasur një përvojë të hidhur me Ëeinstein gjatë realizimit të filmit “Playing by Heart” në fund të viteve 1990. Ajo tha se Ëeinstein iu kishte afruar asaj në një dhomë hoteli, gjë që ajo e kishte refuzuar.

Si rezultat, ajo “zgjodhi që kurrë të mos punonte me të dhe t’i paralajmëronte të gjithë të tjerët që punon me Ëeinstein” kishte shkruar Jolie në një e-mail në Times. “Kjo sjellje ndaj grave në çdo fushë dhe në çdo vend është e papranueshme”, kishte thënë Jolie.

Ajo kritikoi liderët botërorë të cilët nuk po marrin masa vendimtare lidhur më këtë , të cilët e shohin dhunën seksuale ndaj grave si një pjesë të pashmangshme të konfliktit, në vend të një çështjeje që duhet të trajtohet kur bëhet fjalë për negociatat e paqes dhe ndëshkimin.

“Edhe nëse e pranojmë se dhuna seksuale nuk ka të bëjë me seksin, që është një krim dhe se përdoret si një armë, shumë njerëz besojnë së është e pamundur të bëhet diçka lidhur me këtë”, tha ajo.

“Është e vështirë, por nuk është e pamundur, kemi ligje, institucione dhe ekspertizë në mbledhjen e dëshmive, ne jemi në gjendje të identifikojmë autorët e veprave penale. Por ajo që mungon është vullneti politik “, kishte thënë mes tjerash Angelina Jolie.