“Google Zvicra” ka publikuar fjalët më të kërkuara në vitin 2017, me rezultate që tregojnë se teknologjia dhe tenisi, janë më të kërkuarat, shkruajnë mediat vendore.
Teknologjia duket se është shumë e rëndësishme, derisa tri fjalët më të kërkuara janë të kësaj fushe me ‘iPhone 8’, që është në vendin e parë dhe ‘iPhone X’ në vendin e tretë, përcjell albinfo.ch.
Ndërkohë, fjala ‘Wimbledon’ ishte në vendin e dytë, kjo gjithashtu për shkak se tenisti zviceran fitoi këtë trofe.
Nuk është për t’u habitur, pasi Federer gjithashtu kryeson listën e personaliteteve më të kërkuara në vend, ku i bashkohet kolegu i tij Stan Wawrinka (i treti) dhe gruaja e tij Mirka (e katërta).
Gjithashtu dijetari islamik Tariq Ramadan, i lindur në Gjenevë, ishte shumë i kërkuar në internet, pasi u përfshi në një skandal seksual-ngacmues në nëntor, të cilin ai vazhdon të mohojë.
