Një audioincizim ku dëgjohen duke qarë fëmijët emigrantë në SHBA të cilët ishin ndarë nga prindërit e tyre është bërë publik nga mediat amerikane, duke sfiduar politikën e emigracionit të ndjekur nga Presidenti Donald Trump.
Rreth 2000 fëmijë migrues janë ndarë nga prindërit e tyre në muajt e fundit pasi familjet e tyre u përpoqën të kalonin në mënyrë të paligjshme kufirin amerikan.
Trump tha se nuk do të lejonte që SHBA të bëhej një “kamp migrantësh”.
Komisioneri i lartë i OKB-së për refugjatët thotë se politika e ndjekur nga Trump është “e papranueshme”.
Në incizim, shihen disa fëmijë të Amerikës së Mesme derisa u ndanë nga prindërit e tyre e që mendohet se ishin të moshës ndërmjet katër dhe dhjetë vjeç. Ata dëgjohe duke qarë dhe duke kërkuar nënën ose babanë e tyre./Insajderi