Federata Angleze pezullon dizajnet e fushave

02.08.2017 21:33
Federata Angleze pezullon dizajnet e fushave

Me nëntë ditë të mbetura deri në fillimin e sezonit 2017/18 të Premier League ka ardhur një tjetër pezullim pas rregullit se do të dënohen simuluesit e kampionatit më të bukur në botë. Dizajnët e fushave nuk do të lejohen më që prej sezonit të ri.

Rregullorja thekson se sipërfaqja e lojës duhet të mos ketë përmbajtje tjetër përveç asaj klasike me vija horizontale dhe vertikale.

Kjo rregullore do të vendosë rregullat e Premier League në një vijë me ato të UEFA-s pas një konsultimi me punëtorët e fushës së klubeve të Premier League.

Në sezonet e fundit, si Leicester City ashtu edhe Southampton kanë kënaqur syrin e tifozëve me dizajnët kreativë të fushave, njofton telesport.

Por që prej sezonit të ri kjo gjë nuk do të lejohet më. Ndeshja e parë e sezonit do të luhet më 11 gusht. Arsenal do të presë pikërisht Leicester City në ndeshjen hapëse.