Mungesa e hapësirave adekuate për strehimin e qenve endacak, ka bërë që një familje nga Peja të strehoj rreth 60 qenë.
Por, në lagjen “Dardania”, thonë se ndihen të rrezikuar nga ta, dhe mundësia që të trashëgohet ndonjë sëmundje.
Zenel Bala thotë për RTV Dukagjinin, se nga prania e madhe e qenve në këtë lagje askush nuk po mund të flejë.
“Janë grumbulluar në mes të lagjes 50-60 qenë, dhe e kanë bërë strehimore. Po u bien ushqim nga Prishtina. Në shkollë fëmijët shkojnë me frikë, në market as nuk munden të dalin. Njerëzit e panjohur tmerrohen nga ajo që shikojnë këtu, duhet me i përcjellë dikush nga banorët vendas”, thotë Zenel Bala.
Sudan Krasniqi, një banorë i kësaj lagje thotë se prania e qenve në numër kaq të madhe po u shkakton shqetësime dhe prej tyre paraqiten rreziqe të ndryshme.
“Në oborr nuk mundemi me dalë. Ne kemi fëmijë të vegjël, këta sjellin vetëm sëmundje. Dritaret duhet t’i mbyllim, natën askush nuk mundë të flejë”, shprehet i revoltuar ky banor.
Nga Komuna e Pejës thonë se janë të informuar për shqetësimin që kanë banorët nga kjo lagje, sipas tyre shumë shpejt do të zgjidhet ky problem.
https://youtu.be/t4w8j3XgJHU
