Misioni i EULEX-it ka reaguar për sulmin ndaj Ushtruesit të Detyrës së Drejtorit të Shërbimit Korrektues të Kosovës Sokol Zogaj, duke bërë thirrje për hetim të rastit dhe gatishmëri për të ndihmuar në zbardhjen e ngjarjes.
Zëvendësshefi i këtij misioni në Kosovë, Bernd Thran, beson në një hetim të plotë dhe të shpejtë nga autoritetet përkatëse.
“Ne besojmë se një hetim i plotë do të kryhet me shpejtësi dhe ne jemi gati të ndihmojmë autoritetet përkatëse, në përputhje me mandatin tonë, për të siguruar që përgjegjësit do të sillen para drejtësisë”, tha Bernd Thran.
