Në fund të muajit gusht, Era Istrefi iu nënshtrua ndërhyrjes kirurgjike për largimin e apendiksit (që njihet si zorra qorre).
Që atëherë, këngëtarja shqiptare me famë botërore ka qenë më e rezervuar me postimet në rrjetet sociale, ndërsa arsyeja ka qenë se e ka shfrytëzuar kohën për t’u shëruar dhe për gjërat që e kanë bërë të lumtur.
Ajo e ka bërë një publikim në rrjetet sociale, të shoqëruar me video për t’i njoftuar fansat e saj se Era tashmë është shëruar.
“Arsyeja pse nuk po postoj shumë kohëve të fundit, mund ta lidh tërësisht me këtë intervistë që e kam bërë para afro një viti”, ka shkruar Era në Instagram.
“Qëndrimi ç’kyçur është luksi i ri. E kam kaluar kohën duke u shëruar pas ndërhyrjes kirurgjike dhe jam përqendruar në atë që më bën vërtet të lumtur dhe që më bën të ndihem si qenie njerëzore”.
“Jam shumë e përgjegjshme për energjinë që jap, prandaj duhet të kujdesem që fillimisht gjithçka të jetë në rregull”.
“Ndihem e shëruar dhe pozitive, falënderuese dhe e bekuar. Mezi pres gjënë e radhës që ta ndaj me ju”, ka shkruar Era në Instagram.
