Nuk janë makina të përdorura e as ndonjë mobilje nuk janë “mall” por janë dy qenie njerëzore
CNN ka publikuar një xhirim në një lokacion të panjohur në Libi, në të cilin kryhet shitja e dy meshkujve, emigrantë.
Në xhirim dëgjohet se blerësit ofrojnë “800, 900,1.000, 1.100”, ndërsa siç thuhet, ata janë shitur për 1.200 dinarë të Libisë, rreth 800 dollarë.
Njëri nga burrat e shitur është nga Nigeria.
Ai ishte “në ofertë” në grupin e “djemve të fortë të fortë për punë në fermë”. Kjo është konfirmuar nga “drejtuesi i ankandit”, prapa kamerës.
Ekipi i CNN u takua me dy burra që tani ishin në duart e pronarëve. Ata ishin të frikësuar, nuk mund të flisnin.
CNN shkruan se dhjetëra-mijëra njerëz arrijnë kufijtë libianë çdo vit. Ata janë refugjatë që duan një shans në Evropë.
Ndërkohë, autoritetet libiane kanë premtuar se do të nisin hetimet lidhur me ngjarjen. /KlanKosova
https://youtu.be/9POhpXCVkAU
