Princesha Elia Zaharia ka bërë kallëzim penal ndaj një 25 vjeçare e cila i kishte shprehur dashurinë burrit të saj, princit Lega Zogu.
Fitore Bekteshi me shtetësi maqedonase dhe amerikane, e cila banon në Tiranë kishte përndjekur për muaj me radhë çiftin e ri të familjes mbretërore. Ajo u është ngjitur atyre gjatë aktivitetit të përditshëm, duke i ndjekur në çdo organizim ku merrnin pjesë, në jetën profesionale apo edhe në daljet e tyre private në bare apo restorante në kryeqytet, shkruan gazeta “Panorama”.
Vajza 25 vjeçare ka guxuar të futet edhe në oborrin e banesës së familjes Zogu, e cila nuk ka kursyer deklaratat e dashurisë me zë të lartë për Lekën në ambiente publike si dhe ka kërcënuar Elia Zaharian në sy se do ta përcillte.
Fiksimi i 25 vjeçares dhe veprimet e saj e kanë detyruar aktoren Zaharia, që të ngrit kallëzim penal ndaj saj. E cila pas hetimit është dërguar në “arrest shtëpie”.
Fitore Bekteshi ka pranuar se ka ndjekur Leka Zogun duke thënë: “Doja ta shikoja Lekën, pasi ai për mua ishte një diell më tepër, dielli vetë”.
Sipas vendimit të Gjykatës, një kopje e të cilit u sigurua nga “Panorama”, e pandehura Bekteshi ka shpërfillur edhe masën e sigurisë të “arrestit shtëpiak” për të qenë e pranishme në ceremoninë e dasmës së çiftit mbretëror në tetor 2016.
