E dashura e aktorit Charlie Sheen, Julia Stambler, nuk ka frikë nga fakti që i dashuri i saj është HIV pozitiv.
Dhe siç duket, Stambler, 26 vjeçare, do t’i qëndrojë afër aktorit, pavarësisht se shokët dhe shoqet e kanë insistuar të mos ketë marrëdhënie me Charlie Sheen, 51 vjeç, për shkak diagnozës së tij.
Sipas TMZ, bukuroshja bionde ka insistuar se “nuk është e frikësuar” nga HIV-i i të dashurit të saj dhe thotë se ata të cilët e paralajmërojnë të rrijë larg tij për shkak të sëmundjes së tij janë “injorantë”.
Çifti beson se ekzistojnë metoda të cilat mund të merren për të shmangur bartjen e virusit – të tilla si mjekimi anti-viral dhe mbrojtja gjatë marrëdhënieve seksuale.
Charlie fillimisht e bëri të ditur diagnozën e tij në vitin 2015, te emisioni Good Morning America, katër vite pasi që kishte kuptuar se është HIV pozitiv.
“Unë jam këtu për të pohuar se jam HIV pozitiv,” pati thënë ai.
