Dy xhudiste kosovare në finale të “Grand Prix Prague”

17.11.2017 16:50
Dy xhudiste kosovare në finale të “Grand Prix Prague”

Xhudistet kosovare Nora Gjakova e Distria Krasniqi tashmë kanë siguruar medaljet e argjendta në “Grand Prix Prague”, pasi janë plasuar në finale të kësaj gare dhe do të luftojnë për të artën.

Gjakova, që garon në kategorinë deri 57 kilogramë, në gjysmëfinale e mposhti belgen, Mina Libeer, dhe në finale do të përballet me nënkampionen evropiane Theresa Stoll të Gjermanisë, transmeton Koha.net.

Në kategorinë 52 kilogramë Distria Krasniqi në gjysmëfinale e mposhti polaken Agata Perenc, dhe në finale do ta ketë përballë spanjollen, Estrella Lopez Sheriff.

Grand Prix Prague është Kupë e Botës e vlefshme për ranglistën botërore.