Diplomati veteran amerikan, William Walker është prezent çdo përvjetor të shtetit të Kosovës, gjithashtu edhe në 10 vjetorin e saj, Walker ka zgjedhur të festoj së bashku me kosovarët.
Walker në një intervistë për emisionin 038 të KTV-së ka treguar se cilat janë arsyet pse ai dëshiron ta vizitojë Kosovën ku njëra ndër to është dëshira për makiato.
Ndërsa dëshira e dytë e tij është që ta takojë vajzën e cila i kishte dhuruar një lule në Reçak pas luftës në Kosovë.
Ai tregon se sa herë vjen në Kosovë, e viziton Reçakun dhe se nuk dëshiron të takohet me politikanët.
Ndonëse që nga 98-a viziton Kosovën, ai di shumë pak fjalë në gjuhën shqipe. Thotë që kjo i është bërë pengesë pse nuk ka provuar të gjej një grua shqiptare.
Miku i shqiptarëve thotë ndonëse është e lodhshme rruga nga Uashintoni në Kosovë, dhe do të vazhdojë ta bëjë këtë deri sa të mundet, pasi atë e motivojnë njerëzit e Kosovës dhe dashuria e tyre ndaj tij.
Në Kosovë Walker do të qëndrojë 10 ditë.
