Policia ka raportuar se gjatë ditës së djeshme kanë ndodhur dy aksidente me fatalitet, njëri në fshatin Orllat në komunën e Drenasit dhe tjetri në fshatin Rogov, në Gjakovë.
Në fshatin Orllat një person teksa ishte duke drejtuar automjetin e tij është dal nga rruga dhe është rrokullisur.
Si pasojë e aksidentit drejtuesi i veturës ka marr lëndime vdekjeprurëse, ndërsa lëndime të rënda ka marr edhe një pasagjerë në veturë i cili është dërguar në tretman mjekësor në QKUK.
Ndërsa në fshatin Rogov të Gjakovës, aksidenti është shkaktuar nga një veturë me targa të huaja ku nga mospërshtatja e shpejtësisë ka dal nga rruga dhe ka goditur dy këmbësore femra.
Nga lëndimet e marra dy këmbësoret kanë ndërruar jetë, kurse lëndime të lehta ka pësuar një pasagjer i veturës.
Me urdhër të prokurorit i dyshuari (drejtuesi i veturës) është dërguar në mbajtje. /Insajderi.com
