Përmes një postimi në Instagram këngëtarja me famë botërore, Dua Lipa ka uruar për dhjetë vjetorin e Pavarësisë së Kosovës.
Ajo thotë se është shumë krenare që është shqiptare, përderisa thotë se do të vijë në Kosovë këtë vit.
“Urime të gjithëve 10 vjetorin e Pavarësisë! Shpresoj që të festojmë edhe shumë e shumë përvjetore së bashku. Kaloni sa më mirë në këto ditë të festës. Jam shumë krenare që jam shqiptare. Urime dhe gëzuar. Ju dua. Shihemi këtë vit”, ka shkruar ajo në Instagram.
Dua Lipa nuk do të performojë në Kosovë me rastin e dhjetë vjetorit, megjithatë pjesëmarrjen e ka konfirmuar Rita Ora që nesër pritet të performojë në Prishtinë. /Insajderi.com
