Presidenti i Republikës Serbe, Milorad Dodik, ka thënë se referendumi mbi pavarësinë e këtij entiteti aktualisht nuk është një çështje institucionale.
Për sa i takon njohjes së pavarësisë së Kosovës, Dodik gjatë një interviste për DW ka thënë se nuk është kundër saj.
“Unë nuk jam kundër pavarësisë së Kosovës unë jam për dialog midis Beogradit dhe Prishtinës. Nëse Beogradi vendos ta njohë unë nuk kam asgjë kundër”, ka thënë Dodik.
Ai ka theksuar se Republika Serbe është e ngarkuar nga fakti se Serbia ka mbetur në politikën e ruajtjes së integritetit territorial.
Gjatë intervistës, Dodik ka shpalosur një hartë në të cilën shihet se RS dhe Serbia janë të bashkuara, ndërsa Kosova është e ndarë. Mirëpo, sipas kësaj harte veriu i Mitrovicës i takon Serbisë./lajmi.net/
