Deputeti i Kuvendit të Kosovës nga radhët e AAK-së, Gani Dreshaj ka inkurajuar futbollistët shqiptar Granit Xhaka dhe Xherdan Shaqiri, që edhe në ndeshjet e radhës të festojnë me simbolin e shqiponjës, ashtu siç vepruan në ndeshjen Zvicër – Serbi.Dreshaj, është shprehur i gatshëm të marrë përgjegjësinë e gjobave nga FIFA ndaj tyre.
“Më dëshirën më të madhe do të doja që unë të paguaja këtë dënim, por e di se sukseset e tyre në futboll kanë bërë që edhe fuqia e tyre financiare të jetë stabile. Pra, sa herë që ata bëjnë shqiponjën, unë iu them se marr përgjegjësinë e gjobave nga FIFA”, ka thënë Dreshaj, përmes një postimi në rrjetin shoqëror “Facebook”.
Në Agjencisë Kundër Korrupsionit, për vitin 2018, Gani Dreshaj kishte deklaruar pasuri prej 85 milionë e 640 mijë eurove. Aksione, biznese dhe pasuri të paluajtshme, në të cilat hyjnë shtëpitë, banesa, parcelat e tokës dhe qendra sportive, janë vetëm disa nga pasuritë e Dreshajt.
Pasuria e tij e paluajtshme e deklaruar është 41 milionë e 256 mijë euro. Ndërkohë që si pasuri të paluajtshme nuk ka vënë asgjë.
Vetëm njëra prej parcelave të tokës së deputetit Gani Dreshaj e ka një vlerë prej 16 milionë e 575 mijë euro. Ajo është 13,258,50 Ari. Ndërsa një parcelë tjetër toke bujqësore, pyjore kap vlerën e 5 milionë e 840 mijë euro.
Dreshaj ka një banesë të blerë në vlerë prej 1 milionë eurosh. Ajo është 260.00 metra katrorë.
Si aksionar i një varg kompanish të ndryshme, ai ka edhe 44 milionë e 375 mijë euro. Duket se deputeti i AAK-së së shpejti do ta mbërrijë njëqindmilionëshin. Por, Dreshaj nuk mund të mburret aq shumë para asnjë grupimi politik në Kuvend, meqë të gjitha del se kanë para me bollëk.
