Rusia sot në mëngjes ka hapur kutitë për zgjedhjet presidenciale të cilat do ta nxjerrin fituesin edhe për katër vitet e ardhshme.
Në mesin e kandidatëve tjerë është edhe presidenti aktual i Rusisë, Vladimir Putin.
Në vëzhgimin e këtyre zgjedhjeve po marrin pjesë edhe disa deputetë shqiptarë.
Në përbërje të misionit vëzhgues të OSBE/ODHIR-it, janë edhe katër deputetë të Kuvendit të Shqipërisë. Bëhet fjalë për Fatmir Mediun, Luan Ramën, Bledi Çuçin dhe Ervn Bushatin.
“Në përbërje të misionit vëzhgues të OSBE/ODHIR-it, së bashku me kolegët deputetë të Kuvendit të Shqipërisë Fatmir Mediu, Bledi Çuçi dhe Ervin Bushati po vëzhgojmë zgjedhjet në disa qendra votimi në Moskë. Qendrat e votimit janë hapur në ora 07:00 dhe mbyllen në orën 20:00. Votimi është elektronik”,shkruan deputeti Luan Rama në rrjetin social Facebook.
