Një gjykatë në Kornenberg të Austrisë, ka dënuar një kosovarë për trafikim të refugjatëve, me dy vjet e gjysmë burgim.
39 vjeçari akuzohej se duke qenë pjesë e një rrjeti trafikantësh, kishte dërguar në Austri 600 refugjatë, shkruan orf.at.
Për t`i transportuar nga kufiri Serbi-Hungari deri në Vjenë, ai i kërkonte nga 600 euro për person,ndërsa nga shkurti i vitit 2015 deri në fillim të marsit të vitit 2016, ai ka bërë rreth 60 herë këtë rrugë, me makinën e ngarkuar.
Bashkë me të është akuzuar edhe një shtetas turk, i cili jeonte në qytetin e Salzburgut. Atij i janë shqiptuar 15 muaj burg.
44 vjeçari turk sipas aktakuzës ka vozitur refugjatë me taksinë e tij duke ua mundësuar kalimin e kufirit me Gjermaninë. Secilën herë merrte nga 140 euro për linjë.
“Kontrabanda me refugjatë në mes viteve 2015-2016 ka qenë një problem akut në Austri dhe së këndejmi një ndër bizneset më fitimprurëse në përgjithësi”, ka thënë prokurori i lëndës.
Ndërkohë që avokati ka përkujtuar se gjatë kohës së valës së madhe të refugjatëve, qeveria u kishte bërë apel taksistëve që të angazhoheshin ndërkohë që ka kërkuar lirim e të akuzuarve pasi sipas tij, ata e kanë pranuar veprën dhe se kosovari është pothuaj 100% invalid dhe i papërfshirë në ndonjë vepër tjëtër penale.
