Daut Haradinaj tregon se kush është kandidati i AAK-së për kryetar të Deçanit

17.08.2017 22:15
Daut Haradinaj tregon se kush është kandidati i AAK-së për kryetar të Deçanit

Daut Haradinaj përfundimisht nuk do të jetë kandidat i Aleancës për Ardhmërinë e Kosovës për kryetar të Komunës së Deçanit.

Dega në Deçan e AAK-së sot i ka dhënë mbështetje Bashkim Ramosajt për kandidaturën e tij për kryetar të kësaj komune.

Kështu ka bërë të ditur Daut Haradinaj, i cili është shprehur i bindur në fitoren e AAK-së në këtë komunë.

“Të gjitha strukturat e degës së AAK-së në Deçan sot i dhanë mbështetje të fuqishme kandidaturës së Bashkim Ramosajt për Kryetar të Komunës së Deçanit.Dega e AAK-së në Deçan është si asnjëherë e strukturuar dhe e fuqishme ku fitorja e radhës është e padiskutueshme”.

“Ju priftë e mbara Bashkim Ramosaj drejt fitores dhe të gjithë asambleistëve në listë! Deçani pret shumë prej teje mbështetja nuk do të mungon”, ka shkruar Haradinaj.