Diego Costa është një kapitull i mbyllur për Antonio Conten. Tekniku i “Bluve të Londrës” në cdo dalje të tij përpara mediave, nuk i shpëton dot pyetjes në lidhje me cështjen e sulmuesit Costa.
Italianit i është kërkuar të bëjë në koment në lidhje me akuzat e fundit të lëshuara nga ana e 28-vjecaritt, i cili akuzon kampionët e anglisë se po e trajtojne atë si një kriminel dhe po e mbajnë të burgosur.
“Të gjithë ata që janë pjesë e Chelsea e dinë shumë mirë se cfarë ndodhi sezonin e kaluar. Nuk kam aspak ndërmend të flasë për këtë temë, pasi sipas meje është një ceshtje që i përket së shkuarës. Fokusi im në këto momente është ecuaria pozitive në kampionat.”
Më pas numri një i stolit të Chelsea foli për merkaton dhe për takimin e fundjavës ndaj Tottenham. Conte deklaroi se përball ekipi do të ketë një kundërshtarë të fortë dhe se vëmëndja duhet të jetë maksimale nga ana e të gjithë futbollistëve, nëse nuk duam që ta nisim kampionatin me humbje, shkruan supersport.
“Nuk e di nëse do të realizojmë të tjera transferime, momentalisht jam i fokusuar në përmisim e lojës së skuadrës. Përsa i përket sfidës ndaj Tottenham, jam koshient në lidhje më gjëndjen e ekipit. Disa prej futbollistëve nuk janë në gjëndjen e tyre më të mirë. Duhet të japim maksimumin nëse duam të rrëmbejmë një rezultat pozitiv përballë një kundershtari të vështirë.”
