Ministri i Integrimeve Evropiane, Bekim Çollaku ka dhënë dorëheqje publikisht nga posti i ministrit.
“Unë kam vendosur ta le pozitën e minister dhe për këtë jam konsultuar me kryeministrin, Presidentin. Nuk e kanë pritur vendimin tim mirë por është personale dhe e kanë pranuar këtë vendim”, tha Çollaku në konferencën për media.
Çollaku la postin e ministrit për të vazhduar punën si pjesë e ekipit të Presidentit Hashim Thaçi.
“Po shkoj në një institucion tjetër në të cilin do të kem mundësi më të mëdha të jap kontribut edhe në çështjen e integrimit. Do të jem një nga këshilltarët e Presidentit”, tha ai.
Çollaku deklaroi se gjatë kohës sa shërbeu si ministër i Integrimeve të Kosovës bëri punë të madhe mirëpo e pranon se nuk e ka arritur atë që është pritur.
“Nuk po e lë detyrën se nuk i kam përmbushur detyrat. Përkundrazi nënshkruami i marrëveshjes së Stabilizim Asocimit dhe përmbushja e kritereve për liberalizimin e vizave janë dy puna të kryera”
“Po e lë detyrën sepse më ka kapluar një dozë e zhgënjimit si pasojë e vonesës së Bashkimit Evropian”, tha Çollaku. /Insajderi.com