Familja kosovare Gerxhaliu, pas tetë vjetësh rrezikon të dëbohet nga Belgjika sepse shteti belg pretendon se dokumentet e tyre nuk janë në rregull.
“Ne jemi duke u rrezikuar që do të dëbohemi për në kosovë nga shteti i Belgjikës sepse na është thënë që dokumentet tona nuk janë në rregull” ka thënë Bjondina, fëmija më i madh familjes Gerxhaliu.
Ajo studion në departamentin e Menaxhmentit Howest në qytetin e Bruges. Motra e saj Blodiana është 17 vjeçe dhe kanë një vëlla i cili është vetëm 13 vjeç.
Nxënësit e shkollës në të cilën vijonte Blediona organizuan një aksion protestues prej 400 nxënësve në Parkun e Leopoldit të qytetit të Ostendes, të cilët marshuan me flamuj, pllakata e balona kundër largimit të shoqes se tyre nga shkolla e shteti në të cilin jeton.
“Këta njerëz janë si ne, ata bëjnë të njëjtat gjëra si ne, ata shkojnë në shkollë, punë dhe e zhvillojnë jetën sikurse ne, ata kanë miq këtu” tha udhëheqësja e protestës, shoqja e Blodianës. “Ne jemi të zëmëruar dhe do të shqetësohemi nëse planifikim për dëbimin e tyre është i pa bazë”.
Kjo mbështetje kaq e madhe dhe kjo protestë ka ndodhur për herë të parë në shkollën në të cilën shkon Blodiana, ata e përkrahën atë që mos e largojnë nga shkolla.
“Ndihem shumë krenare dhe shumë falënderuese për këtë mbështetje masive nga nxënësit e shkollës”, tha Blediona. /Insajderi.com
