Barcelona ngre padi kundër Neymarit, i kërkon miliona euro

22.08.2017 17:58
Barcelona ngre padi kundër Neymarit, i kërkon miliona euro

Barcelona ka njoftuar se ka paditur Neymarin dhe kërkon nga lojtari edhe 8.5 milionë euro.

Lufta ndërmjet Barcelonës dhe Neymarit ende nuk ka përfunduar, pavarësisht se lojtari tashmë ka luajtur dy ndeshje dhe ka shënuar tre gola me PSG.

Barcelona sot ka njoftuar se ka paditur Neymarin, nga i cili kërkon edhe 8.5 milionë euro, për shkak të prishjes së kontratës.

Neymar vetëm pak muaj më parë e kishte vazhduar kontratën deri në vitin 2021, por pagoi klauzolën e tij prej 222 milionë eurove për të kaluar në PSG.

Tashmë kataluanisit duan edhe 8.5 milionë euro për prishje të parakohshme të kontratës, shumë kjo që korrespondon me fitimin ekstra me renovimin e kontratës.