Pas urdhrit të policisë dhënë banorëve të banesave në lagjen Dardania në Prishtinë, ata kanë nisur t'i largojnë gjësendet.
Policia e Kosovës pak më herët ka dhënë urdhër që banorët t’i largojnë gjësendet nga banesat e tyre, në të kundërtën, ata do t’i largojnë më forcë.
Në këtë mënyrë, banorët kanë nisur vetë t’i largojnë gjësendet.
Banorët s’i lëshojnë banesat, përleshën me policinë
Policia u jep afat banorëve 10 minuta të largohen në të kundërtën do të hyjnë me forcë.
Banorët e banesave të bllokut të ri në lagjen Dardania kanë bllokuar hyrjen e këtij blloku pasi që nuk duan t’i lirojnë banesat. Banorët thonë se nuk kanë ku tjetër të shkojnë
Gjykata ka vendosur që nga sot ata t’i lirojnë banesat e tyre pasi që Ndërmarrja Banesore pretendon se është e tyre.
Por banorët kërkojnë një marrëveshje nga komuna dhe NPB që t’ua shes ato pasi që kanë investuar vetë.
Objekti ishte ndërtuar në vitet e nëntëdhjeta dhe ishte dedikuar për refugjatët serbë nga Bosnja.
Banorët thonë se lënda është dërguar edhe në Gjykatën Kushtetuese në mënyrë që t’u njihet e drejta e tyre.
Ata kanë organizuar një peticion prej 10 mijë nënshkrime në mënyrë që të kërkojnë që ata mos të flaken në rrugë.
Gjykata ka konstatuar se banesat janë të uzurpuara./rtv21/