Banorët e Pejës kërkojnë heqjen e barrierave në rrugë

18.11.2017 11:53
Banorët e Pejës kërkojnë heqjen e barrierave në rrugë

Një barrierë për ngadalësimin e shpejtësisë së makinave e vendosur në rrugën “Beteja e Loxhës” në lagjen “Dardania 2” në Pejë, ka shkaktuar përçarje midis banorëve që e duan atë barrierë në rrugë dhe banorëve të tjerë që janë kundër saj.

E këta që janë kundër saj, të premten pasdite organizuan një protestë afër barrierës me kërkesë që komuna ta largojë edhe atë. Fillimisht kanë qenë dy të vendosura, ndërkohë që njëra është hequr, shkruan sot Koha Ditore.

Burim Hasani, që fliste në emër të banorëve që ishin kundër barrierës, deklaroi se rruga ku është vendosur barriera nuk paraqet rrezik.