Bamieh mbron ish-gjyqtarin me diplomë falso – 11 prokurorë janë të pakualifikuar në EULEX

23.11.2017 22:41
Bamieh mbron ish-gjyqtarin me diplomë falso – 11 prokurorë janë të pakualifikuar në EULEX

Maria Bamieh, një ish-prokurore e cila akuzoi Bashkimin Evropian për Sundim të Ligjit në Kosovë, EULEX, për përfundim të padrejtë të kontratës së punës, pasi ajo kishte ngritur shqetësime lidhur me korrupsionin brenda vet EULEX-it, ka mbrojtur ish-kolegun e saj, ish-kryetarin e gjykatësve në EULEX i cili ka mashtruar me vite të tëra, duke prezantuar diplomën false të doktoraturës.

Bamieh bëri deklarata të tilla pasi Insajderi publikoi hulumtimin mbi atë sesi Simmons kishte prezantuar në CV kur ishte punësuar në EULEX, diplomën false të “Fairfax University” që ishte mbyllur në vitin 2004 për shkak se ishte institucion që shiste diploma.

“Nuk ka nevojë që të kesh doktoraturë që të jesh gjykatës në Kosovë apo në Mbretërinë e Bashkuar. Ndoshta Universiteti që Simmons ka përdor është mbyllur pasi ka marrë doktoraturën e tij dhe më pas ndoshta për këtë arsye e ka hequr nga CV-ja”, ka shkruar Bamieh.

In the UK both barristers and solicitors do exams after they have sufficient experience they can apply to be a Judge…

Posted by Maria Thuraja Bamieh on Thursday, 23 November 2017

Simmons kishte prezantuar në CV-në e tij këtë diplomë në vitin 2008 kur ishte emëruar gjykatës në EULEX dhe e kishte hequr nga CV-ja në vitin 2014, kur ishte emëruar kryetar i Gjykatësve të EULEX-it.

Bamieh ka thënë se në EULEX ka edhe njerëz të tjerë që janë të pakualifikuar.

“Ka shumë njerëz të pakualifikuar në EULEX. Claudio Pala, Alan Cansick dhe shumë të tjerë. Prokurori duhet të tregojë nëse ata kanë qenë prokurorë në shetet e tyre. Unë jam ankuar për prokurorët e pakualifikuar në EULEX qysh në vitin 2013. Gjithashtu jam ankuar tek OALF (Zyra Evropiane Kundër Mashtrimit v.j). Hulumitimi i tyre zbuloi se në EULEX ishin 11 persona të pakualifikuar. Jam e sigurtë që Malcolm nuk ishte një prej tyre”, ka shkruar Bamieh.

Why are they putting this inaccurate information about Malcolm's Simmons PHd Degree! First they claimed he was not…

Posted by Maria Thuraja Bamieh on Thursday, 23 November 2017

Ajo nuk ka treguar se cilët janë këta prokurorë të EULEX-it që kanë dalë të pakualifikuar./Insajderi.com