Moti sot mbi vendin tonë...

09.08.2017 08:17

Bajrami fajëson partitë tjera për kandidaturën e Veselit për kryeparlamentar

09.08.2017 08:13
Bajrami fajëson partitë tjera për kandidaturën e Veselit për kryeparlamentar

Nënkryetari i Partisë Demokratike të Kosovës (PDK), Arsim Bajrami, ka bërë me dije se kandidat i vetëm i koalicionit PAN për kryetar të Kuvendit është Kadri Veseli.

Në një intervistë dhënë për gazetën “Epoka e re”, ai ka deklaruar se, pavarësisht se Veseli ofroi gatishmëri për të hequr dorë nga posti i kryeparlamentarit, partitë e tjera nuk reflektuan dhe kështu që PDK-ja nuk do të bëjë më asnjë kompromis rreth kësaj çështje.

Bajrami ka mohuar se me një veprim të tillë PDK-ja është duke e bllokuar formimin e institucioneve të vendit.

Sipas tij, bllokuesit janë ata që tentojnë t’ia mohojnë një të drejtë kushtetuese PDK-së, zgjedhjen e kryeparlamentarit.

Ai ka treguar për gatishmërinë e PAN-it për të marrë pjesë në vazhdimin e seancës konstituive të enjten dhe për ta propozuar Veselin kandidat për kryetar të Kuvendit.