Kandidati i AKR-së për kryetar të Mitrovicës së Jugut, Agim Bahtiri ka vizituar të martën disa vendbanime të rëndësishme në këtë komunë, duke përfshirë vendet si Shala e Bajgorës, Tuneli i Parë, Trepçë dhe Bare.
“Ashtu siç e ka pasur zakon gjithmonë, Shala e Bajgorës edhe tash është rreshtuar fuqishëm në anën e drejt dhe të fitores. Sonte isha në Tunel të parë, Trepçë dhe Bare, ku mora mbështetje të madhe që 19 nëntori do të jetë dita e fitores tonë të madhe”, ka shkruar Bahtiri në llogarinë e tij në Facebook.
Ai ka premtuar një gjë për të cilën Mitrovica e Jugut ka shumë nevojë.
“Qeverisje me duar të pastra +4, me mendje dhe me zemër, që Mitrovica të udhëhiqet nga mitrovicasit”, ka thënë Bahtiri.
